Kharay soday kaa qail hoon, so behter baich deta hoon
Main dariya pass rakhta hoon samandar baich deta hoon
Sohanay khawab to kaanton kay bister per bhi mumkin hain
Maiyasar ho ager phoolon kaa bister baich deta hoon
Chalo yoon he ana gar aapki taskeen paati hay
To main haq goi kaa anmol gohar baich deta hoon
Hayat-e-chand roza kay sakon-e-khaam kee khater
Main apni daaemi qadron kaa paiker baich deta hoon
Kisi kaa June accha kat sakay gaa is tarha “Nasir”
Bohot pehlay say main apna December baich deta hoon
*.* Udasi *.*
